جوزي مات حكايات زيزي

المرة دي كان فيه حاجة مختلفة، حاجة باردة كأنه مش بيتكلم عشان يطمني.
السواق همس وهو بيبص قدامه ما تتحركيش لو غلطتي حركة واحدة هيفهموا إنك معاهم.
الباب كان مفتوح نص فتحة، والضوء اللي برا كان بيقطع الضلمة زي سكينة.
وظهر محمود.
بس مش محمود اللي أعرفه.
واقف بثبات غريب، لبسه متغير شوية، وعيونه فيها تركيز مرعب كأنه بيقيس كل حاجة حوالينا.
بص ناحيتي لحظة طويلة ما كانش فيها أي دفء.
قال بهدوء منى انزلي.
جسمي كله اتجمد.
إنت إنت مين فيهم؟ همست وأنا مش قادرة أتنفس.
سكت ثانيتين، وبعدين قال أنا الوحيد اللي لسه عايش بجد.
السواق شدني من دراعي وقال بسرعة ما تصدقيهوش! ده مش محمود اللي رجعلك!
بس قبل ما أكمل، محمود رفع إيده فجأة وفيها جهاز صغير نفس اللي شوفته عند الرجالة في الحافلة.
وقال بصوت حاد هو اللي بيشتغل معاهم.
الراجل اللي جنبي اتجمد.
كذاب! صرخ.
وفي ثانية واحدة محمود ضغط على الزر.
كل حاجة حصلت بسرعة غريبة صوت صفارة عالية، العربية نفسها اهتزت، والراجل اللي جنبي وقع على الدركسيون.
أنا صرخت إيه اللي بيحصل؟!
محمود قرب من الباب وقال مفيش وقت أشرح إنتي لازم تيجي معايا دلوقتي.
نزلت بصعوبة، ورجليا مش شايلاني.
أول ما وقفت قدامه، قال بصوت واطي اللي مات يوم الفرح ماكانش غلطة قلب.
اتسمرت.
يبقى إيه؟

بص حواليه كأنه خايف من الهواء نفسه، وبعدين قال كان محاولة قتل متقنة واتخطط لها من جوه عيلتي.
قلبي دق بسرعة يعني اللي جابوا الجنازة كانوا عارفين؟
هز راسه كانوا بيتأكدوا إنك هتصدقي إن أنا مت.
وفي اللحظة دي سمعنا صوت عربيه بتقرب بسرعة جنونية من آخر الطريق.
نور عالي ضرب في وشنا.
ومحمود مسك إيدي جامد وقال لو لحقونا دلوقتي مش هيبقى في خروج تاني.
العربية كانت بتقرب وتقرب ومفيش أي مكان نهرب له.
وبصلي وقال آخر جملة بهمس يا نطلع من هنا دلوقتي يا الحقيقة كلها تموت معانا العربية كانت بتقرب بسرعة مرعبة، نورها بقى زي سهم بيشق الضلمة.
محمود شدني ناحيته أكتر وقال بسرعة اركضي ورايا!
جرينا ناحيت طريق جانبي بين مبنيين قديمين، الأرض كانت مليانة تراب وحجارة بتخبط في رجلي.
صوت العربية فرمل فجأة ووراها صوت أبواب بتتفتح بعنف.
سمعت صريخ هو معاها! متسيبوش حد!
محمود زقني وراه في ممر ضيق ما تبصي وراكيش!
بس صوت خطواتهم كان قريب بشكل يخوف كأنهم لزقوا فينا.
دخلنا باب حديد قديم، وقبله قفله بسرعة.
سكون.
تنفّسنا بصعوبة.
أنا بصيت له وأنا بترعش إنت عملت فيا إيه؟ أنا دفنتك بإيدي!
بصلي لحظة طويلة، وبعدين قال وأنا كنت شايفك بتبكي من مكان تاني.
اتجمدت يعني إيه مكان تاني؟!
قعد على الأرض وهو مسند راسه للحائط يوم الفرح، كان في محاولة اغتيال عليا فعلًا بس أنا اتسحبت قبل ما أموت بثواني.
سكت لحظة، وبعدين كمل اتسحبت غصب عني من نفس العيلة اللي أنا هربت منها.
بصيت له بعدم فهم طيب والجنازة؟ والجثة؟!
قال جثة مزروعة وشخص مدفوعله يتسجل باسمي. كانوا عايزين يقفلوا القصة للأبد.
دموعي نزلت غصب عني وإنت سيبتني أدفنك؟!
سكت ومبصش في عيني.
وده كان أسوأ رد.
فجأة، الباب الحديد اللي ورايا خبط خبطة قوية.
وبعدين صوت من بره قال محمود الجبالي عارفين إنك جوه.
محمود وقف فجأة، ووشه اتغير.
وبهمس مخنوق قال مش هنخرج من الباب ده.
بص ناحية حيطه متهالك وقال في طريق واحد بس بس لو دخلناه، مفيش رجوع.
أنا بصيت له أي حاجة أهم من إني أعيش في كدبة!
سكت لحظة وبعدين فتح باب سري في الأرض.
سواد تام تحته.
ومحمود قال انزلي وافتكري إنك لو سمعتي صوتي بعد كده جوه مترديش عليا.
وقبل ما أسأله ليه
صوت ضرب نار سمعناه فوق.
ومحمود قال بسرعة وهو بينزل ورايا بدوا يوصلوا لينا السلم الحديدي تحتنا كان بيصرّ مع كل خطوة، كأن المكان كله بيئنّ من قديمه.
الظلام كان تقيل لدرجة إني كنت بحس بإيدي مش شايفاها.
محمود كان ورايا مباشرة، صوته قريب كمّلي لقدّام ما توقفيش.
فجأة سمعت صوت خبط فوقنا، وبعده صراخ مكتوم، كأنهم كسروا الباب اللي فوق.
قلبي وقع وصلوا؟ !
محمود رد بسرعة أيوه وده معناه إننا كنا متراقبين طول الوقت.
نزلنا لحد ما وصلنا لممر ضيق جدًا، الأرض فيه مبلولة وباردة، وريحتها قديمة.
نور ضعيف جدًا ظهر في آخر الممر.
اقتربنا ولقيت باب حديد تاني، لكن عليه علامات غريبة كأنه مقفول من سنين.
محمود وقف قدامه وقال بهمس هنا البداية وهنا السبب اللي خلّى عيلتي تلاحقني.
بصيت له بداية إيه؟ إنت مخبي إيه تاني؟!
قبل ما يرد، الباب نفسه اتحرك من غير ما يلمسه.
زي ما يكون حد من جوه فتحه لنا.
سكون تام.
محمود بصلي وقال مفيش حد جواه أو المفروض ميبقاش فيه حد.
دخلنا.
أول ما دخلنا، لقيت غرفة واسعة شبه معمل قديم، فيها شاشات مكسورة وأجهزة غريبة متغطية بالتراب.
وفي النص
صورة كبيرة لمحمود بس مش هو لوحده فيها.
كان معاه ناس تانية كتير، وكلهم متشابهين في حاجة واحدة نفس الملامح تقريبًا.
اتجمدت إيه ده؟!
محمود بص للصورة وكأنه بيشوف كابوس مش كلهم أنا دي نسخ.
لفيت له بسرعة نسخ إيه؟!
قرب مني وقال بصوت منخفض جدًا مش أنا محمود واحد أنا مشروع.
قبل ما أستوعب الجملة، نور الشاشة اللي قدامنا اشتغل فجأة لوحده.
وظهر على الشاشة رسالة واحدة بس
النموذج الأصلي تم رصده داخل المنشأة.
محمود اتجمد.
وبصلي وقال لأول مرة بصوت مرعوب ده معناه إنهم لقونا فعلاً.
وفجأة
الباب اللي دخلنا منه اتقفل من نفسه.
وصوت من السماعات القديمة في الغرفة قال أهلًا بالنسخة اللي رجعت والضيفة