قلب واحد لا يكفي بقلم زهرة الربيع
المحتويات
هو ازاي اخوك....الفرق بنكم كبير الصراحه
نبيل قال ..ازاي يعني..مين احسن..انا ولا هو
ملك ابتسمت بتوتر وقالت..لا طبعا انت احسن بكتير انت ..انت شخص مسأول وعندك انجزاتك انما نبيل ده تافه..احم..انا مش بطيقه الصراحه
ملك كانت متوتره جدا بس حست بارتياح لما شافت نظرات الراحه والاطمئنان على ملامح نبيل بعد كلامها وكان بيتعامل فعلا كأنو عاصم اخوه
نبيل كان مبسوط جدا معاها وطبعا مكانش طبيعي خالص
انتهى اليوم على خير ونبيل وصل ملك لبيتها عند ماماتها بعد اصرار كبير منو
عند البيت كانت ملك متوتره مكانتش عايزه تدخل عند امها بس قررت تنزل كأنها هتزورها لحد ما يمشي وفعلا نزلت ولسه هتمشي اتفاجأت بامها كانت جايه من السوق واول ما شافتها حضنتها بفرحه وقالت..ملك بقالي كتير مشوفتكيش يا قلبي..وايه ده نبيل معاكي كمان..ياراجل احنا كنا قربنا ننساك
نبيل بصلها باستغراب واتحولت نظراتو لڠضب وشك وقال..نبيل مين..انا مش نبيل انا اخوه
ملك خاڤت جدا انو يعمل اي حاجه قدام امها وقالت بترتباك وسرعه..نبيل مين يا ماما..معلش يا استاذ عاصم اصل ماما نظرها ضعيف شويه وبعدين انت تشبهه اخوك شويه بس حضرتك احسن طبعا..يلا حضرتك تقدر تتفضل احسن تتأخر
عاصم كان بيبصلهم بشك ودور العربيه وليه هيمشي ام ملك قالت..تنتي بتهببي ايه انا مش فاهمه حاجه هو ده مش نبيل جوزك ولا انا اتعميت ولا فيه ايه
نبيل سمع جملة نبيل جوزك واتسعت عنيه بزهول وڠضب.. وملك بصت لامها بسرعه بتحاول تسكتها بس امها على نيتها قالت..وبعدين سيبك من نبيل انتي ازاي تكوني حامل ومتجيش تقوليلي اول واحده انتي واختك هتشلوني
هنا نبيل نزل من العربيه پغضب وملك خاڤت جدا ولسه هتجري مسكها من شعرها وقال پغضب..حامل منو كمان...وتقوليلي مفيش بنكم حاجه يا واطيه يا خاينه
امها اټصدمت بحالتو وملك بقت تصرخ وقالت بړعب..اتصلي بعزه يا ماما اتصلي بيها بسرعه
امها كانت مړعوبه ولسه هتتكلم اتفاجأو بعزه ورعد واسراء جاين وراهم
ملك نزلت على الارض جمبو وبقت تبكي وهيه بتقول...نبيل..حبيبي...نبيل رد عليا..انتي عملتيلو ايه
عزه قومتها بحزن وقالت..مټخافيش هو تمام والله ده مخدر زي الي قولتلك تستعمليه مش هيأذيه ابدا
امها صړخت وقالت ..يا خرااااابي منك..يا مصبتي هتشليني..هو لسه مچنون..وكمان زعلانه عليه ..ده كان هيموتك قدام عيني..ده انا انهارده هطلع عينك وعين اسراء.
اسراء قالت پخوف..واسراء مالها بس
امها قالت..مالها..استني عليا لما ندخل البيت هعرفك مالها كويس
عزه قالت..لا اهدو يا جماعه وانتي يا طنط انا هشرحلك كل حاجه
رعد دخل نبيل الشقه عند ام ملك ودخلو كلهم وابتدت الدكتوره عزه تشرح لام ملك كل الي حاصل والي طبعا كان صعب عليها تستوعبه
ام ملك اتنهدت وقالت..يا عيني يا نبيل صغير على الجنان يا ابني..على العموم كل الي قولتيه ده ميخلنيش اغامر ببنتي ملك هتفصل معايا هنا وهو لازم يطلقها
عزه قالت...يا طنط ما هو لو طلقها عمره ما هيخف ارجوكي احنا بدأنا وبنتقدم
امها قالت ..بتتقدمي ايه يا اختي ده من شويه كان هيطلع روحها قدامي بصي يا عزه انا عارفه انك دكتوره وفاهمه..بس دي بنتي وانا خاېفه عليها
ملك اخيرا اتكلمت وقالت..بس انا حابه اقف مع جوزي في ازمتو يا ماما...ارجوكي..انتي كمان وقفتي مع بابا في مرضه ومرضتيش تسبيه ابدا رغم كل الي اتقلك
امها اتنهدت وقالت..ابوكي الله يرحمو كان مريض بورم..وده مبيأذيش حد يا بنتي انما جوزك اټجنن يا ضنايا مينفعش
واستمرت محاولاتهم بس قدرو بعد مجهود يقنعوها بالموافقه لفتره قصيره جدا ولو محصلش حاجه هتطلب الطلاق
بعد شويه نبيل فاق وهو ماسك دماغو وبيبص حواليه اتفاجأ انو في بيت حماتو قعد بسرعه وقال بتوتر..هو فيه ايه..احنا هنا ليه
اسراء بصتلو بزهق ودوقالت بسخريه ...ابدا ماما عندها شويه غسيل كنا بننقعهم متشغلش بالك
نبيل اتنهد لما اتريقت كده لان اكيد عمل بلوه تاني وقعد
ام ملك قالت..اهلا يا حبيب حماتك وبنت حماتك ايه يا خويا احسن دلوقتي
نبيل حمحم بحرج وقال..اه...كويس..هو..هو انا عملت ايه تاني
رعد ضحك وقال..ولا حاجه يا عم متشغلش بالك معملتش حاجه..دول بيهزرو معاك
عزه اتنهدت وقالت..لا مبيهزروش للاسف يا نبيل انت من شويه كنت بټضرب ملك في الشارع لان للاسف والدتها قالت قدامك انها حامل
نبيل غمض عنيه بحزن وقال .انا ..انا قولتلكم الموضوع ده مش هينفع خطړ خطړ يا جماعه محدش صدقني ووقف وهو دموعه بتنزل بحزن
ملك وقفت جمبو وحطت ايدها على كتفو وابتسمت ابتسامه جميله وقالت بهمس...مفيش خطړ غير البعد عنك
نبيل بصلها بدموع وابتسم وهو بيبصلها بحب شديد وكانت بينهم نظرات جميله جدا قطعتها امها لما قالت...انتو بتتودودو في ايه..لا مهو مش وقت نحنحه
اسراء ضحكت وقالت..معاهاحق والله
رعد قال بغمز...عقبالنا.. يا مخيب امالنا
اسراء قالت بغيظ..ان شاء الله عقبالك تتجنن زيو
ملك قالت ...اسراء وبعدين
اسراء قالت ..حشوه عني لوعايزين تسلمو من لساني لان الشخص ده مخليني اكره اختو بسببو واكره جوزك لمجرد انو صاحبو
رعد ضحك وقال..ليه بس هو احنا علشان بنحبك بتبيع وتشتري في هوانا
اسراء ابتسمت بغيظ وقالت...ما بالاش اللون ده معانا وهوب خبطتو بطفاية السجاير الي جمبها
رعد قال پألم...ااااااه...يا بنت المجنونه
ام ملك قالت بفخر...فعلا بنت امها
ورغم انهم زعلانين وخايفين على ملك لاكن بقم يخفو عنهم وفضلو يهزرو سوا لحد الليل
بالليل نبيل كان ماشي وملك راحت معاه لحد باب البيت وقال...هبات لوحدي تاني انهارده...بتوحشيني قوي
ملك ابتسمت وقالت..انت كمان يانبيل..بس عزه واثقه ان الفكره دي هتنفع ان شاء الله..سامحني يا نبيل كل الوضع ده بسببي من الاول
نبيل ابتسم وقال..ده قدر يا ملك..لا انتي ليكي ذمب ولا انا كمان..بس الحمد
لله انا محظوظ بيكم قوي..ربنا وقف معايا بوجدكم كلكم جمبي ومسك ايدها وقال..احم..هو
ملك ضحكت جامد وقالت..امشي يا نبيل يلا روح.. انت في ايه ولا في ايه..يلا امشي
نبيل ضحك ومشي وملك وقفت وبقت تشاورلو وجات اسراء وقفت جمبها وبصت لهم بقرف وقالت...مش قادره هرجع والله...انتو ازاي بتستحملو العلاقات الملزقه دي انا هطق
ملك ضحكت وقالت..انتي اسكتي يا معقده انتي
في صباح يوم جديد نبيل اول ما قام من النوم افتكر الي حصل مع ملك وان امها قالت انها حامل من نبيل قام لبس بسرعه وهو هيتجنن من الڠضب وراح على بيت ملك
ملك كانت طالعه من البيت ولابسه هتروح الشركه واول ما شافت عاصم اتوترت وحاولت تقوي واول ما نزل من العربيه قالت بسرعه..كويس ان حضرتك جيت كنت جيالك اقدم استقالتي
نبيل بصلها پغضب ولسه هيتكلم ملك قالت...شوف يا استاذ عاصم انا مش مضطره اشرحلك حاجه بس هقولك علشان انا مقبلش حد يشوفني بطريقه مش كويسه...انا والدتي مريضه...كان عندي اخت واټوفت وهيه حامل ومن ۏفاتها كل ما تشوفني انا او اختي تقول اننا حوامل
نبيل كتف اديه پغضب وقال ...لا والله..وانا هصدقك كده..وايه عرف امك بنبيل بقى
ملك قالت بسرعه..جوزها..جوز اختي اسمو نبيل انت افتكرت انو نبيل اخوك..واتصرفت معايا بطريقه وحشه وقولت كلام غريب بټخونيني ومش عارف ايه انا لسه عرفاك امبارح ازاي تقولي كده
نبيل لسه هيرد طلعت امها وقالت...ايه ده كوثر يا حببتي انتي جيتي...انا زعلانه منك ازاي متقولليش انك حامل يا بت
ملك قالت ...انا ملك ياماما ملك يا حببتي
امها قالت بتمثيل..ملك..ملك مين...اااه ملك بنتي حببتي...روحتي زورتي اختك اختك حامل و...مين ده ..مش ده نبيل جوز اختك
ملك قالت..لا يا ما ده مش نبيل ده عاصم مديري في الشغل روحي انتي يا ماما وانا هعدي على كوثر وهسلملك عليها يلا يا حببتي
امها طلعت فوق وكانت عزه واسراء بيتابعو الي بيحصل
نبيل اتنهد وقال..انا..انا اسف..احم..مكنتش اعرف انها مريضه..اصل انا عندي مشكله في الثقه..وكمان بتجيلي شويه تهيوئات
ملك قالت..والله انا كنت
متابعة القراءة
