حكايتي مع صهيب الثالث
المحتويات
اللي اول ما شافتها مقربة منها عملت نفسها مغم عليها نادت الدادة باسمها جري كل الخدمين عليها حتى الممرضة شالوها ودخلوها اوضتها وبعد وقت فاقت شيماء بتحاول تمثل التعب ووخده سعاد وكل ما حد يحاول يخرج تبك بعد اكتر من نص ساعة وهي على الحالة دي رن تليفونها رنة قصيره وبعدها بدقيه رن مرة تانية بنفس الرنة إتأكدت ان جيداء انتهت وخرجت من القصر وبعدها اتنهدت براحه وشكرت كل زميلها وطلبت منهم يرجعوا يشوفوا شغلهم
سعاد اول وحده خرجت بعد الممرضة راحت ناحية جناح اريام وقفت في نص الكلودور اول ما الكهرباء رجعت بذهول جريت على اوضة أريام مع صړيخ الممرضة
خرجت برة الاوضة اتصلت على صهيب ونادت بتوع الأمن وبلغت الشرطة
صهيب قام من نومه على صوت رنة تليفونه قام بسرعة وخرج برة الاوضة يرد عشان ما يزعجش عمه جري بسرعة وخرج من المستشفى ركب عربيته وساق بسرعة
كبيرة وصل القصر لقي أمن القصر والشرطة ملية القصر دخل صهيب القصر وقفة شرطي ومنعه يدخل وبعد مشادة وزعيق خرج الظابط
الظابط لو سمحت ياصهيب بيه ممنوع تدخل الأوضة غير بعد ما المعمل الجنائي ينتهي من المعاينة ورفع البصمات وينتهي التحقيق
صهيب مذهول من اللي بيتقال قعد جنب الظابط وهو بيحقق مع الممرضة وكلام سعاد
وقف مصډوم وطلع بسرعة اوضة غصن لقي غصن قاعدة بتصلي صړخ فيها وانحن شدها من مكانها وهي ساجدة وبكل قوته ضربها بالقلم اكتر من مرة وغصن خاېفه منه ومن كلامة مش فاهمه هو بيقول ايه وبتبك من ۏجع ضربه ليها دخل الظابط عليه هو العساكر بعدوه عنها
صهيب زق غصن بقوة نحية الظابط اقبض
على المچرمة اللي عملت كل ده
غصن پخوف راحت تتحامي فيه الحقني يا صهيب
صهيب رجع وراء وپيصرخ فيها وبيقول للظابط اقبض عليها يا حضرة الظابط قبل ما اخلص
عليها بنفسي
غصن مش فاهمه حاجه بتنادي عليه ادير وشه ليها شدها الظابط وخرج بيها من القصر ركبها عربية الشرطة وهي بتنادي على صهيب اللي فضل يكسر في الاوضة بعد ما خرج الكل منها وفضل يبك مكانه
اللهم استرنا فوق الأرض وتحت الارض ويوم العرض عليك
سليم اتصل على صهيب يتطمن على عمه سمع صوت صهيب وهو بيبك وپيصرخ باسم أريام قفل الاتصال وساق بسرعة للقصر لقي عربية الاسعاف وقفه والشرطة بكل مكان دخل ينادي على صهيب وقف مصډوم وهو شايف بتوع الاسعاف شايلين چثة على النقالة وخرجين من جناح اريام والشرطة خارجة وراهم وصهيب قاعد في المكتب مڼهار وجنبه ظابط بيكلم معه دخل سليم يسأل صهيب على اللي حصل
اللهم نصرا لأهل غزة يتعجب له اهل الأرض واهل السماء
غصن قعدة على الكرسي قدام الظابط بيحقق معها مش فاهمة هو بيقول ايه الظابط اتعاطف معها
الظابط ياريت تهدي خالينا نعرف ناخد اقولك
غصن صهيب عاوزة صهيب
الظابط بعد ما تعب معها قال تحبس لحين العرض على النيابة للتحقيق معها
نادي على العسكري يدخلها الحبس وكل خطوة تنادي على صهيب
دخلت الحبس قعدت وراء باب الزنزانه تبك پقهر وتنادي على صهيب قربت منها ست من المحبوسين ساعدتها تقوم واخدتها تقعد على كرسي خشب طويل جنبها وبتسألها عن تهمتها
غصن معرفش انا كنت بصلي والله العظيم معرفش حاجه صهيب انا عاوزة صهيب
الست صهيب مين
غصن جوزي صهيب يبق جوزي
فضلت تنادي على صهيب وقت طويل لحد ما تعبت وقعدت تبك من غير صوت شهقاتها هي اللي مسموعة
سليم بعد ما الشرطة اخدت أقولة واقوال صهيب خرج الظابط يكمل تحقيق مع كل الشغالين في القصر
قعد جنب صهيب يهديه اهدي يا صهيب وشد حيلك صحيح اللي حصل ده صعب بس لازم تكون أقوي من كدة
صهيب اهدي ايه ياسليم اريام ماټت على ايد مچرمة عاملة نفسها ملاك وانا صدقتها ومشيت وراها زي الاعمي اتاريها ابليس قاټلة
سليم ممكن تهدي التحقيق شغال مع اني مش مصدق اللي حصل
صهيب انا مش ههدي ولا يرتاح ليا بال غير لما اقټلها بأيدي المچرمة
سليم صهيب اهدي وتعالي نشوف الظابط خلص تحقيق ولا لسه
خرج صهيب وسليم لقوا الظابط انهي التحقيق
الظابط البقاء لله صهيب بيه بعد ما النيابة ما عاينه مكان الچريمة والتحقيق الاولي ورفع البصمات اتحولت الچثة للطب الشرعي وامرت النيابه بالتحقيق مرة تانية مع كل الشغالين وافراد الأمن وتفريغ كاميرات المراقبة بعد تضارب اقوال الشغالين والممرضة وأفراد الأمن
خرج الظابط وباقي القوة وصهيب وسليم رجعوا المكتب وهم قاعدين يتكلموا دخل قاسم بيسأل عن اللي حصل وليه البوليس كان موجود
صهيب حضڼ عمه وفضل يبك وبصعوبة سليم اقنعه يقعد وشرح سليم كل حاجه لقاسم
قاسم اول ما فاق في المستشفى وملقاش صهيب وعرف انه رجع البيت طلب من الدكتور اسامة انه بخرج وكان نازل على البلد رجع في قرارة وراح للقصر عند صهيب
يشوف اريام وصل القصر شاف الشرطة خارجه من
القصر دخل مكتب على صهيب انهار وكان هيقع من بكاء صهيب
قاسم صهيب مالك يابني شغلتني في ايه والبوليس كان هنا بيعمل ايه
صهيب بعد شوية اتمالك اعصابه وطلب من سليم يحكي لعمه وبعد ما سليم خلص كلام وقف قاسم وبكل قوته ضړب صهيب بالقلم غبي وهتفض طول عمرك غبي ظلمت البنت الغلبانه ظلمتها وكسرتها وهي بتسنجد بيك انا رايح لها وقوم ليها أكبر محامين في البلد
صهيب پجنون وقتها لا هتبق عمي ولا أعرفك وھڨتلها بإيد ي فاهم المچرمة المچرمة لازم اخلص عليها بنفسي
قاسم اللي في قلعك انفضه انت بنأدم خسارة فيك ملاك زيها واقسم بالله يا صهيب لټندم على اللي بتقوله ده واللي عملته فيها
صهيب انت اب ازاي بنتك اټقتلت اترفع من عليها جهاز الاكسجين لو شفت شكل الچثة كنت قټلتها بإديك مش تدافع عنها !
قاسم مسألتش نفسك ليه النهاردة بالذات حصل كده ماهي قربت على شهر في البيت مش عجب نفس اليوم اللي الحقيقة انكشفت فيه يحصل كل
ده والكهرباء اللي فصلت ورجعت تاني عرفت مكانهم ازاي وايه اللي يخليها تخلص من أريام وهي مېته وانت زى ما قلتلى انكم من يوم ما جيتم من البلد وانتم
في الاوضه ما بتخرجوش منها
صهيب اكيد
قاسم أكيد ايه ما تكمل ولا مش لاقي كلام تقوله
صهيب هي الدادة قالت انها شافتها ډخله الجناح وكل الأدلة ثابته عليها
قاسم خلي الأدلة تنفعك بكرة ټندم
خرج قاسم واتصل على محامي وراح النيابة لغصن وصل المحامي وطلب مقابلة وكيل النيابة واستأذن يقابل غصن ويتابع التحقيق معها جات غصن وفهمت من المحامي الموضوع فضلت تبك وكيل النيابة حقق معها وحكت كل حاجه من يوم
ما جات القصر وانها مخرجتش من الأوضة غير مرة واحده امس وطلعت
على طول بعد كلامها مع الدادة وحكت لصهيب وانها نامت قرب الساعة سابعه وصحيت من النوم واتوضت وكانت بتصلي الضحى وقت صهيب ما دخل عليها
وكيل النيابة فضل يسألها وبعد ما انهي اتكلم المحامي زي ما حضرتك سمعت كلام موكلتي انها متعرفش اي حاجه انا بطالب بالأفراج عنها بدون اي ضمان وتوجيه الاتهام للدادة لأنها الوحيدة اللي كانت موجوده قرب الجناح وقت فصل الكهرباء زي ما قالت وكمان هي الوحيدة اللي قالت انها شافت موكلتي ډخله الجناح وبمقارنه اقولها مع تعاملها مع موكلتي بيأكد انها متعمدة توجيه الاتهام
وكيل النيابة امرنا نحن حبس المتهمة خمستاشر يوم على زمة القضية واستدعاء كل العاملين في القصر للتحقيق معهم
خرج المحامي لقاسم الواقف عرفه كل اللي حصل قاسم جري على غصن اول ما شفها خارجه مع العسكري
قاسم غصن يابتي انا عمك قاسم عم صهيب متخفيش يا بتي انا عارف انك بريئة وان شآء الله هتظهر برئتك وهتخرجي بس انت اصبري وخليك قوية انا جبتلك اكل وماية هيدخلك كلي يابنتي واستهدي بالله هتخرجي من هنا ومضاقت اللي لما فرجت
غصن رفعت عنيها لقاسم وبصوت موجوع حاجه واحدة طالباها منك ياعم الحاج تقول لصهيب يطلقني وكمان طلب عاوزه شوية التراب هتلقيهم في علبة جنب السرير عاوزة استقوي بيهم الله يخليك ياعم الحاج هات العلبة دي ومش عاوزة اي حاجه ان شاله يعدموني انا معتش فيه حيل للعيش في الدنيا دي
العسكري دخل غصن الحبس استقبلتها الست اللي اتعرفت عليها اول ما دخلت وسالتها على اللي حصل
وبصعوبة فهمت كلام غصن اخدتها الست في وطبطبت عليها قاسم اتصل على سليم وطلب منه يجيب العلبه اللي قالت عليها غصن رفص صهيب واتوعد ينتقم منها
عدت الايام وبعد ما
انتهي التحقيق مع كل العاملين والدادة وافراد الأمن
استدع وكيل النيابة غصن مدام غصن مبروك
غصن دموعها نزلت الحمدلله بعد اذن جنابك ارجع الحبس اسلم على الست ام هاني
خرجت غصن لقت صهيب وقاسم وقفي رجعت وراء ومن غير ما تكلمه بصت عليه من فوق لتحت ومشيت راحت الزنزانة دخلت سلمت على ام هاني وقالت انها هتخرج بارك ليها كل اللي معها
ام هاني هتروحي على فين الساعة دى
غصن هرجع البلد
ام هاني هتروحي ازاي انت تعرفي طريقها من هنا ولا معاكي فلوس
غصن هصرف واروح
ام هاني اسمعي انا هخلي الصول يكلم ابني يجي يوصلك لحد بلدك انت غلبانة ممكن تتوهي في السكة او حد ابن حرام يعمل فيك حاجه
غصن انحنت تبوس اديها اخدتها ام
غصن انت عملتي معايا اللي جوزي وأهلي معملهوش
ام هاني انت طيبة ياغصن شبه العيل اللي عمرة سنة نقية بلاش تتغيري خاليك كده واعزري اهلك وجوزك بعد اللي حكتيه والمحامي قالك ان جوزك هو اللي كشف كل حاجه وجه لحد عندك يزورك وانت رفضتي
غصن وجعني يا
ام هاني وكسرني عارفة انه مكنش في وعيه وقتها بس مش هنسي لما اتحميت فيه ورماني للظابط ومهمهوش اخرج كده من غير نقابي وحجابي ساب الغريب يجرجرني وهو واقف
پيلعن فيا وجعني لدرجة هحرمة من اللي عاش عمرة يحلم بيه
ام هاني حقك يابنتي بس هتتعبي الحياة صعبة
غصن مش أصعب من اللي عشته
افوتك بعافية وبإذن واحد أحد هردلك جميلك ووقفتك جنبي
حكايتى مع صهيب بقلم منى عبدالعزيز الفصل التاسع عشر
التاسع عشر
اتصلت ام هاني بابنها وطلبت منه يوصل غصن لبلدها قفلت معه وادت التليفون للصول الحمدلله كان جاي زيارة ليا هو ومراته وبنته واهم يكونوا ونس ليك في الطريق مش عاوزاكي تخافي هاني ابني متربي وعارف ربنا ومراته بنت ناس
غصن يعني هيجرالي ايه أكتر من اللي جرالى انا مهما خفت وحذرت اللي عاوزه ربنا هو اللي هيكون الابن اللي عنده ام زيك ليل نه
خرجت غصن بصحبة الصول بعد ما وصفت إم هاني إبنها لغصن وهي خارجة سمعت صوت صهيب بينادي عليها وقفت لحظه من غير ما تلف ليه اخدت نفسها وكملت مشي وقفت قدام مبني النيابة لقت شاب متوسط الطول خمري لحيته متوسطة شعرة اسود غمضت عنيها وبكل قوة استجمعت
شجعتها مشيت ناحيته
غصن الاستاذ هاني مش كده
هاني مدام غصن وصلتي اتفضلي اركبي وخدي رحتك ام مريم زوجتي
غصن أهلا وسهلا بحضرتك معلش ياجماعة هتعبكم معايا
مريم متقوليش كده يا مدام غصن وياستي كفاية انك من طرف ماما
غصن تشكروا وربنا يقدرني على رد جميلكم وجمايل الست إم هاني
مريم الناس لبعضها يامدام وماما طول عمرها ليها نظرة في الناس ومدام طلبت من هاني يوصلك يبق أكيد حبتك واللي تحبه ماما احنا نحبه على طول مدام غصن معلش ممكن سؤال متزعليش مني فيه بس فضول مش اكتر الزيارة اللي فاتت ماما حكت عن قضيتك لهاني وطلبت منه يكلم محاميها يدافع عنك ازاي ظهرت برائتك بعد ما كل الأدلة كانت ضدك!
غصن خدت نفس
وخرجته بحړقة سندت راسها على قزاز الشباك
غصن بابتسامة حزينة مفيش زعل ولا حاجه اول إمبارح الحاج قاسم عم صهيب جالي هو والمحامي بعد ما رفضت أقابل صهيب وقلت السچن عندي اهون من اقبله واشوفه عمه جالي حكالي حكاية عجيبة
غمضت عنيها وهي بتفتكر الحاج قاسم غصن يابتي ليه رفضة تقابلي صهيب دي حالته تصعب على الكافر وهيجن ويشوفك ويطمن عليك متعرفيش هو عمل ايه اول ما عرف اللي حصل كان هيخلص على الشغالة لولي لحقناه على أخر لحظة
غصن ابتسمت بسخرية وسكتت ونزلت دموعها كمل قاسم كلام
ساكته ليه قولي حاجه طيب مش عاوزة تعرفي حصل ايه مش مهم هحكيلك أنا مش بدافع عن صهيب
لاء انا بقولك اللي حصل عشان تعزريه صهيب الصدمة كانت فوق احتماله عقله كان هيروح منه بعد ما الدنيا ضحكتله وربنا عوضه عن همه ووجعه بيك وقلبة مال ليك كل الادلة ثبتت انك اللي عملتيها انهار خرج كل وجعه انا شفته بنفسي نايم على فرشتك واخد علبه التراب في وبيبك صهيب يبك انا نفسي كنت مش مصدق اللي بشوفه أربع ايام لا بيأكل ولا بيشرب من سجادة الصلاة لسريرك حاضن علبه التراب ومخدتك فجأة لقيناه قام ونزل مكتبه وبينادي على الدادة وسألها على اللي حصل وبعدها الشغالين وحده واحدة والأمن بقي عامل زي ظابط البوليس ليلتين سجل كلامهم وفضل يعيد ويذيد ويتفرج على تسجيلات الكاميرات من يوم ما جيتي القصر وهو قاعد بيسمع التسجيل جالة سليم صحبة زي كل يوم يطمن عليه ويشوف وصل لاية
سليم صهيب من وقت ما شهاب اتصل عليك وانت مش طبيعي فهمني شهاب قالك ايه
صهيب أبدا مفيش بحاول احل اللغز
سكتوا ووقفوا اول شهاب صديقهم دخل عليهم المكتب شهاب اول ما دخل عليهم ضړب صهيب بالبكس في وشه وصړخ فيه بعصبية
انت مش بنادم انا كنت هتجنن وسليم بيحكيلي حجزت اول طيارة وجيت هنا
سليم وقاسم إهدى يا شهاب حمدالله على سلامتك
شهاب أهدى ايه بس انا مش فاهم هيفضل مغيب لأمته الحقيقة قدام منه واضحة وبردة لسه زي ماهو
صهيب بحزن الصدمة كانت فوق احتمالي مركزتش غير بعد ما ربطت الأحداث وحققت بنفسي لكن فاضل اخر دليل مين اللي عمل كده
قاسم ايه الدليل
شهاب الكاميرات راجعها
سليم الكهرباء فصلت بفعل فاعل نفس وقت الچريمة
شهاب دي كاميرات تانية نانوا في اوضة أريام ركبنها انا وصهيب تراقب كل حركه في الاوضه وليها نظام تشغيل حراري بحركة جسم الإنسان
صهيب الكاميرات ايوه
جري صهيب على الكاميرات وشهاب وسليم وراه طلعوا اوضة صهيب واريام صهيب فتح لاب توب وفضل يراجع
تسجيلات الكاميرات حتي يوم الحاډثة صدم من اللي شفوه وسمعوه
قاسم پصدمة معقولة اللي شايفه ده في إم تعمل كده في بنتها وحيدتها
شهاب مش ده السؤال ياعمي احنا عارفين جيداء من وقت الحاډثة وهي دى نيتها لكن مين ساعدها تدخل وليه في التوقيت ده بالذات
صهيب مين عرفتها الاحداث كلها ظهرت
سليم خلاص اتصل بالمباحث واديهم تسجيلات الكاميرات
صهيب لاء انا هخلص عليهم بأيدي
نزل صهيب بسرعة ينادي بصوت عالي سعااااد
الكل وراه يهدوه
جه كل الشغالين على الصوت
قرب صهيب منهم رفع ايده وبقوة نزل على وش شيماء وشدها من اديها ومشي ناحية المكتب وكلم سليم سليم اتصل بالبوليس يجوا يقبضوا على سعاد وبنت اختها هم المجرمين
سعاد بصړيخ بريئة يابيه والله ما عملت حاجه انا حكيت لحضرتك كل اللي حصل
صهيب وقف ومديها ضهره كڈب كل اللي قلتيه كڈب الحقيقة انك مچرمة انت والحيوانه دي
شيماء والله يابيه ماعملت حاجه ومن يوم ما اشتغلت هنا مدخلتش جناح اريام هنام
صهيب مين اللي دخلتيها يوم الحاډثة ومين ساعدك وليه عملتي كده
شيماء فضلت تبك وسكتت
صهيب فكره بدموع التماسيح دي هتصعبي عليا وهصدق تمثيلك ادير للكل وقال كلكم مشتركين معهم وقبل ما يتقبض عليكم حسابكم معايا انا
الشغالين مظلومين يابية معملناش حاجة احنا قلنا لحضرتك كل حاجه حصلت
صهيب ابقوا قلوه قدام الظابط لكن حقي انكم تخدعوني وتكذبوا في الاول مش هعديه بالساهل
سكت صهيب وادير على صوت الظابط وقوة من الأمن داخلين من الباب
الظابط صهيب بيه مطلوب القبض على سيادتك پتهمة قتل زوجتك السيدة
أريام قاسم
الكل ايه
الظابط والدة المجني عليها اتهمتك بالتخلص من بنتها انت وزوجتك
صهيب بغيظ جز على سنانه جيداااااااااء!
قاسم صهيب بريئ يا حضرة الظابط شهاب وري للباشا الكاميرات وأسال الشغالين يا حضرة الظابط لسه معترفين بكل اللي حصل
الظابط كل العاملين وأفراد الأمن هيتحقق معهم ويتوجه ليهم اتهام تضليل العدالة واخفاء معلومات مهمه في القضية
تم القبض على صهيب وكل العاملين وفي النيابة اعترفت شيماء بكل اللي حصل للحظة القبض عليها
شيماء مدام جيداء اول ما عرفت ان الحاډثة اتعرفت وممكن تنكشف فضلت تصرخ وتهددني هتخلص عليا انا وخالتي وقالت هتنتقم مني ا ومن صهيب بيه
وكيل النيابة أمرنا نحن وكيل نيابة بعد الاطلاع على تسجيلات الكاميرات والتحقيق مع المتهمين القبض على جيداء سلام
والافراج والإفراج عن غصن عزيز وصهيب عدنان مالم يكونوا متهمين ب قضايا اخري بضمان محل سكنهم
مريم بدموع وتأثر وحاضنه بنتها الصغيرة ايه ده في إم بالشكل دهايه الحقد اللي في الناس دي شيماء ظلمت نفسها وبقت متهمه وتسببت في مۏت انسانه وحبسك دى معډومة ضمير هي وخالتها بس اللي مش قادرة استوعبه
هاني مريم كفايه كده الحمدلله ظهرت براءة مدام غصن والمجرمين أخدوا جزاهم
مريم عندك حق يا هاني عقبال ماما يارب
غصن يارب
هاني ماما ان شآء الله قضيتها هتنحل كام يوم وتخرج المشكلة طول هي متمسكة
بالمبادئ والقيم في شغل كلة مكسبه في الخداع لازم كل شوية يلفقولها تهم وصلنا يامدام غصن ا ي طريق من الطرق دي
غصن اتعدلت وبصت قدامها سوق طوالي وانا هشورلك على الطريق اللي هنمشي منه
اللهم نصرا ينادي أهل الأرض الله أكبر تزلزل الارض فرحا
صهيب بعد نظرة غصن ليه ورفضها الكلام معه ودخولها الزنزانة واقف مع المحامي عرف طلبها من وكيل النيابة وداع الناس اللي معها فضل مستنيها وساند على الحيطة وجنبه سليم وشهاب صحابه خرج قاسم مڼهار من عند وكيل النيابة جري عليه صهيب عمي
قاسم كلام دكتور اسامة طلع صح يا صهيب أريام مش بنتي ولا بنت جيداء المچرمة اشترتها من وحده في امريكا واستغلت فترة نزولي مصر ايام مۏت ابوك وغيابي الفترة دي وانا المغفل سبتها وقلت عشان صحتها هي والجنين خليها ومكفهاش كده دي خالتني عملت بوليصه تأمين باسم اريام بملاين يوم ولادتها في أمريكا
بكى قاسم واتخنق مقدرش يكمل قال للمحامي يكمل
المحامي طلعت المتهمة هي السبب في ادمان اريام عشان تضمن السيطرة عليها وهي اللي خلتها توقعك في حبها والأسواء انها سبب الحاډثة وهي اللي اقنعتها تدخل السباق لما اريام اتمرضت على تحكمتها وبسبب أفلسها دبرة
الحاډثة الاخيرة واتفقت مع شيماء الشغالة مرة بالټهديد ومرة بعرض مبلغ كبير عليها
صهيب قعد على الارض مقدرش يقف وهو
بيسمع خداعة ووهم الحب اللي كان عايش فيه
سليم وشهاب ساعدوه يقدر يقف اول ما شافوا غصن خارجة من النيابة
شهاب انسي اللي فات وخليك في اللي جاي ربنا عوضك بإنسانة رجعتلك الحياة من تاني اطلب منها السماح واشرح ليها موقفك
صهيب هز راسه وخرج يجري ينادي باسمها غصن وقف مصډوم مكانه وهو شيفها بتركب عربية مع واحد غريب
وقف مكانه متحركش من الصدمة وادير شاور بايده على العربية اللي مشيت على طول اول ما غصن طلعت
سليم ده ابن الست اللي اتعرفت عليها في الحبس سألنا الصول اللي كان معها بالزنزانة هيوصلها البلد
قاسم صهيب متقفش مكانك وتنسحب عافر وصلحها صډمته فيك كبيرة لازم تفضل تطلب منها تسمحك اللي زيها يستاهل تتعب عشناها
صهيب جري بسرعة لحد ما وصل عربيته وهو بيقول عندك حق ياعمي ركب عربيته وساق بسرعة كبيرة لحد ما وصل البلد وشاف العربية اللي فيها غصن رايحه في طريق عزبة الخبيري فرح واخد نفس يهدي أعصابه اختففت ابتسامته وهو شايف العربية بعدت عن طريق مزرعته ودخلت لأطراف البلد تقاطع
عزبة الخبيري مع التماميه ووقفت نزل بسرعة من العربية اول ما شاف غصن نزلت ونزل الشخص اللي سايق ومدد ايده يسلم على غصن لسه هيتحرك سمع صوت من وراه واحد بينادي عليها وبينطق اسمها بسعادة
غصنننن وشخص تاني خرج من البيت بيرحب بيها بسعادة وفرحة واضحة غمض عينه وحط ايده على العربية يأخد نفسه يهدي من عصبيته ألا ألا الا ألا تلاته ياغصن تلاته ويطلعوا مين دول كمان اللي طيرين من الفرحة وينطقوا اسمك بلهفة كده لاء كدة كتير
قالها ومشي ناحية البيت اول ما دخلت بصحبة الشابين مد ايده قدام الباب يمنع قفله ليقف مكانه وهو يري الواقف ينظر له باستغراب يساله عم يريد
يتجاهله وعينه بيدور على غصن ليبعد الواقف قدام الباب پعنف ويدخل ينادي غصن غصن
يقف قدامة صلاح ېصرخ فيه مالك يا اخ داخل زى التور من غير احمم ولا دستور يلتفت لوراه على صوت شخص بقول اسمه باستغراب قرب منه قاله الله الله و انت تعرفني منين امته
لحقت تعرفك عني
منصور هي مين اللي حكتلي عنك حضرتك نسيتني انا المهندس الزراعي اللي ماسك مزارع الخضار والفاكهة بتوعك من تلات سنين
صهيب نعم مهند س زراعي والهانم تعرفك منين ومن امته بتجيلك البيت
صلاح انت انسان قليل الأدب داخل بتنا بدون استئذان وبتتهم ستك وتاج راسك
صهيب بعصبية قرب منه بيمسكة من لياقة قميصة ودتها فين ياحيوان
منصور لو سمحت يا سيد صهيب بلاش تخليني اخد معاك موقف مش كويس اتفضل من غير مطرود برة
صهيب مش خارج غير وهي معايا
صلاح وهو بيذقه يبعده تطلع مين انت وباي حق عاوز تاخدها
صهيب بعصبية وصوت عالي تبق مراتي يا فندي عرفت ليا حق ولا لاء
صلاح پصدمة غصن اتجوزت امته وازاي
صهيب لكمه في وشه متجبش اسمها على
لسانك انت فاهم انطق ودتوها فين
منصور جري على صلاح يهديه ويمنعه من ضړب صهيب إهدى يا صلاح الراجل في بيتنا وليه حق يتعصب بس هو ميعرفش هي تبق اختنا الصغيرة واننا مش لوحدنا
صهيب سمع كلام منصور وبدون تفكير راح ناحية اول باب وفتحة بقوة وقف مكا بتخرج مني
كنت هتجنن لما طلبتي التراب قلت انك بتحرمني منك صدقيني أنا قويت بيه وانا بشم رحتك فيه قويت بكلامك كل ليلة في منامي
ومع كل مرة كنت بتكلم فيها مع مخدتك افكر واربط الأحداث ببعض لحد ما عرفت الحقيقة والحمدلله خرجتي ليا بالسلامة أرجوك يا غصن انت أجمل حاجه حصلت في حياتي متبعديش عني مش بعد ما ردتي ليا الروح ارجعيلى يا غصن انا محبتش ولا هحب غيرك
فضل صهيب يترجها ويوعدها هينفذ كل اللي هتقول عليه غير انها تبعد عنه
غصن بتسمع كلامة قلبها دق بقوة وجسمها انتفض على صوته الموجوع وكسرته
ام منصور طبطبت على غصن سمحيه يا غصن الجدع باين عليه بيحبك وندمان على اللي عمله معاك وانت يا حضرة مع إني مش فاهمه حاجات كتيره من اللي حصلت
بس بقولك غصن دي بنتي اللي مخلفتهاش بيتي دايما مفتوح ليها لو في يوم زعلتها تنسي انك تشفها مرة تانية وده هيكون أحب على قلبي ياما تمنتها زوجة لواحد من ولادي يعني اليوم اللي هترجع لهنا هجوزها لواحد من ولادي في الحال
حكايتى مع صهيب بقلم منى عبدالعزيز الفصل العشرين
الاخيرة
غصن بعدت عنه ميصحش نمشي خالتي ام منصور هتزعل اوي وكمان انا عاوزة اسلم على ابله سناء وعمي ابو منصور
صهيب قرب أكتر منها وبص في عنيها حببتي بقولك في حاجات عاوز اقولهالك
غصن بخجل من كلامه وقفت بسرعة انا هروح اساعد خالتي
صهيب شدهل من ايدها تعالي هنا مفيش خروج من
الاوضه دى غير على الاستراحة
غصن صهيب ميصحش ومفيش حد غريب عشان
صهيب والاخين اللي برة دول ايه
غصن قصدك الاستاذ صلاح ومنصور دول محترمين اوي عمرهم ما خرجوا العيبة من بقهم
صهيب وعنيهم اللي عليك من ساعة ما ډخلتي وخصوصا صلاح ده عنيه وتعبير وشه بيقولوا حاجات كتيره اوى
غصن الاستاذ صلاح ده طيب اوي وحنيته مش على حد
صهيب بحدة وغيرة غصن
قطع كلامه واخد نفس طويل يهدي من نفسه لولي عارف انك عفوية كنت اخدتك ومشيت من هنا واستحالة هسمحلك طول ما انا عايش تجي هنا
خبط الباب قطعوا كلامهم سمح صهيب بدخول اللي برة دخلت ام منصور تقولهم العشاء جاهز
صهيب خرج ماسك في ايد غصن لقوا ابو منصور وسناء رجعوا سلمت غصن عليهم وقعدوا
اكلوا ويتكلموا غصن بين الكلام سألت على حورية والبنات
سناء بعد العشاء هنحكيلك كل حاجه
خلصوا اكل وقامت سناء وغصن يشيلوا الاطباق ونظرات صهيب على صلاح اللي عنيه من فترة للتانية على غصن حاول يمسك اعصابه وميمدش ايده عليه ابو منصور رحب بيه
ابو منصور شرفتنا يا صهيب بيه
صهيب وعينه على صلاح اللي وقف من مكانه لسه هيكلم قطعة منصور
منصور صلاح شغل التليفزيون نشوف اعلنوا رمضان بكرة إن شاء الله ولا لاء
ابو منصور ان شآء الله هيكون بكرة روايح رمضان هله والبركة في كل حاجه وكفاية تشريف صهيب وغصن لينا وان شآء الله فطرهم اول يوم عندنا هنا
صهيب برفض لاء
ابو منصور لاء ليه يابني
صهيب لحق نفسه لاء اول يوم عندي في المزرعة ان شآء الله اول يوم فطركم كلكم عندي
ابو منصور قول كده وماله يابني عندنا ولا عندك واحد
خرجت غصن بتبك من المطبخ وام منصور سندها وسناء وراهم
صهيب اتفزع راح ليها غصن في ايه
ام منصور مفيش حاجه هي بس زعلت على ۏفاة الست حورية والبنات لما عرفت ان ابوهم خدهم لمراته التانيه
صهيب اولا البنات يستهلوا اللي حصل لهم وبالنسبة للولدتهم الله يرحمها دا عمرها وان شآء الله هخلي حد يعملها عمرة في رمضان باسمها اكرام لدفعها عنك وكلامك عليها
بعد وقت هديت غصن واعلن
منصور بعد ما خلص صلاة ترويح مشي في الاراضي الزرعية يكلم نفسه
مالك يا منصور فرحت ليه كده لما شفتها
انساها خرجت غصن وعنيها على بيت حورية نزلت دموعها ڠصب عنها صهيب لف ايده حوليها واخدها لحد ما ركبها العربية ومشيوا للمزرعة وصلوا قدام الاستراحة صهيب كلم الغفير وقاله يبلغ كل الشغالين في المزرعة ان فطار اول يوم عنده وبعد ما دخل الاستراحة اتصل على عمه بلغه برجوع غصن ليه وعلى الافطار اللي هيعمله في المزرعة وطلب منه يجهز كل حاجه قفل مع عمه ادير يكلم غصن ملقهلش سمع صوت مايه في الحمام ابتسم ودخل اوضة النوم غير هدومه وقعد مستني غصن بعد وقت قام راح ليها عند الحمام
وبيضرب كف بكف ساع عينه لمعت وكمل ده حتى كده احسن كان تايه عنى فين
حط ايده على اوكرة الباب لقاها قافلة من جوه
يخبط وينادي وهو سامع صوت المياة
صهيب كل ده يا حببتي
غصن شوية وخارجه اهو
صهيب طيب قدامك كتير
غصن خمس دقايق
خمس دقايق قربنا على السحور دى بتعمل ايه ده كله
فتحت الباب وطلعت بتنشف فى شعرهابتتكلم بفرحه
المياه حلوة الواحد مكنش عايز يطلع من تحتها
صهيب وقف وراح ليها اخيرا خرجتي ولما الماية حلوة
غصن
بذمتك جوزك بعيد عنك ماوحشكيش
غصن بخجل موحشنيش أصله معايا على طول
قام قرب منها بفرحة وعنيه بتدمع قلت شقية مصدتنيش
وشوشته فى ودنه بالراحة فى هنا صهيب صغير
بعد عنها بسرعة ووقف بذهول يبصلها انتى قولتي ايه
غصن بفرحة شاورت
على بطنها
فى صهيب صغير شاقي هنا
هز رأسه وبلع ريقه عيدى كده اللي قولتيه وعرفتي ازاي وامته
غصن بتوتر مالك يا صهيب انت زعلت كده ليه
صهيب زعلت ايه بس انا مش مصدق
وبصوت عالى انا هبقى ااااب عرفتي امته واتاكدتي ازاي
غصن من يومين وانا فى السچن تعبت واحده من المساجين قالتلي
صهيب واحده ايه انا هجيب دكتور يطمني
غصن اطمن انا إتأكدت امال قلتلك ليه
صهيب انا لازم اطمن عليك
غصن اطمن وهدي حالك ام هاني جابتلى بتاع كده اسمه اختبار حمل من الصيدلية خلت وحده قربيتها تجيبه فى الزيارة واتأكد
صهيب
ولو انا لازم اطمن عليكم واسمع واتأكد من الدكتور واعرف ايه المطلوب واعمل ايه ويكتب ليك مقويات ومغذيات انت خاسة اوي ووشك باين عليه التعب
غصن بتبص لنفسها خاسه ايه يا صهيب انا زى الكرنبه اهو
صهيب كرنبة ايه بس دا الهدوم وسعت عليك ازاي انا هتصل على عمي يجيب الدكتورة ويجي
اتصل على عمه وبعد شوية جه مع الدكتورة وبعد ما كشفت عليها خرجت
مبروك المدام حامل صهيب معلش اكشفي مرة تانيه
وطمنيني عليها واكتبي ليها مقويات وفيتامينات
الدكتورة دي رابع مرة اعيد الكشف غير اختبارين الحمل من الصيدلية وبالنسبة للمقويات انا كتبتهم في الروشتة
صهيب بفرحة اخد عمه اخيرا ياعمي هبق اب عدنان هيجي للدنيا
قاسم مبروك
يابني مبروك يا ابو عدنان
صهيب يبارك فيك ياعمي بعد اذنك اول النهار ما يطلع خالي الجزار يدبح عشر عجول وفرق على كل بيت في
الخمس عزب ولو مكفوش ادبح عشرة غيرهم وكل يوم طول شهور الحمل لحد عدنان ما يشرف بالسلامة تدبح عجل يتفرق على الغلابة والفقراء في البلاد اللي حوالينا
قاسم ربنا يقو مهالك بالسلامة يابني بقلك يا صهيب في موضوع ﻋوزك فيه
صهيب امر ياعمي
قاسم متزعلش مني هو صحيح مش وقته وانا لو عليا بعد اللي عرفته مش
هيهمني بس هي ملهاش ذنب واكرام المېت دفنه
صهيب اختفت ابتسامته فهمك ياعمي اول ما يطلع تصريح الډفن هعمل ليها عزاء واډفنها بمدافن العيلة مهما كان دي مراتي وعلى زمتي وزي ما قلت ملهاش ذنب
بعد ما مشي عمه والدكتورة دخل صهيب الاوضة على غصن بفرحة
الحمدلله اناكده اطمنت
غصن يا مفترى علشان تتأكد تخلي الدكتورة تعيد الكشف اكتر من مرة
صهيب
لو أطول اكتر من دكتور مكنتش اتأخرت بس تعالى هنا حامل في شهر ونص ومتعرفيش
غصن ببلاهه
اذا كان انت اكبر منى ومعرفتش انا هعرف
يضحك پهستيريا ويخدها في وينام جنبها عندك حق انا غلطان قال اعرف قال
عدي الليل ومن اول النهار صهيب واقف على ايد الجزارين والعمال بيتابع بنفسه كل حاجه وتجهيز الفطار واتصل على الحاجة زبيدة جدة غصن جات اول معرفت هي وسنابل ومن كتر فرحتها بحمل غصن فضلت تزرغت وخدها في
ذهلت من كلام غصن وعن اللي حصلها زبيدة عتبت على صهيب وقاسم وغصن عرفت اللي حصل لعمها رفيق وطلبت من صهيب انهم يزوروه قرب المغرب جه ابو منصور وعيلته معدا صلاح رحب بيهم صهيب
واتاكد من وجود مشاعر لغصن بقلب صلاح حمد ربنا انه مجاش لانه مكنش هيتحمل نظراته لغصن
اتجمع الرجال واتعرفوا وبعد الفطار استأذن ابو منصور يمشي لارتباطة بمواعيد شغله بالمستشفى مشي ابو منصور واتفق مع منصور يستني مع امه واخته ويرجع معهم البيت
اندمج كل الموجودين واتجمع الكل لصلاة الترويح طلب قاسم من صهيب يشوف الطريق يدخل الحمام يتوضأ دخل صهيب قدامة نادي على غصن يقولها عمه هيدخل يتوضأ
غصن خليه يتفضل ستى وامي وام متصور في اوضة النوم ببيصلوا وابلة سناء في المطبخ بتجهز الشاي والحلو للرجالة
دخل قاسم بعد ما قاله صهيب اتوضأ وهو خارج عينه وقعت على بنت خارجة من المطبخ وقف مكانه مش عارف يعمل ايه وهو شايفها بتصرخ وبداري وشها بإديها
وبترجع تدخل المطبخ
خرج قاسم بسرعة من الاستراحة كأن حد دلق عليه ماية بعد إنتهاء الصلاة قعد شارد عينه على باب الاستراحة بيسأل حالة
ياتري مين دي ياقاسم معقولة تكون سنابل لا لا جري لعقلك ايه سنابل شفتها مرة زمان مش شبه دي ايوه الزمن بيغير بس بردة مش بالشكل ده هتعرف ازاي هي مين مش هينفع تسأل صهيب يقول ايه دخلت بيتة كشفت حريمة
فضل يفكر هي مين مش مركز في اي كلام للموجودين جنبه ومركزش في مين قاعد ومين مشي اتعدل في قاعدته اول ما شاف ست كبيرة في السن ماشيه مع ست تانيه منقبة واول ما شاف منصور ماشي نحيتهم ملامح وشه اتغيرت
غصن طلبت من صهيب تزور عمها بعد الحاح منها وافق صهيب واخدها وراح لسرايا رفيق اول ما شفتها زبيدة كانت خاېفه عليها من رشيدة وغزل ونعمة قبلتهم ورحبت بيهم ودخلتهم اوضة رفيق من غير ما تنطق اسم غصن دخلت غصن شفها رفيق حاول يتكلم مقدرش قربت منه غصن وقعدت على طرف السرير مسكت ايده اللي بيحاول
يرفعها ووطت باستها وقالت له
انا مش زعلانه منك ياعمي ومسماحك على كل اللي حصل وقلبي مش شايل منك بالعكس انا بحمد ربنا اني عشت بعيد عنكم وبقيت غصن وبس راضية باللي قسمه ربنا ليا وربنا عوضني بصهيب عن ايام الظلم والعڈاب
اللي عشتها
بكى رفيق ونطق بصعوبة سامحني وخالي سنابل تسامحني
خرجت من عنده قابلت نعمة ورشيدة وفاطمة وولاد رفيق صهيب حاوطها بدراعه ومشي ناحيه الباب
وقفها عبدالله
مش تسلمي يا بنت عمي على ولاد عمك
غصن وهي مدياله ضهرها لو على الواجب ياابن عمي تجيب خواتك وتجي تزور بنت عمك وتشرفها قدام جوزها وعيلته وتعرفوه اني ليا أهل وعزوه وسند لما الدنيا تميل والايام تجي عليا اركن عليكم وأتباهى ان ليا ولاد عم
عبدالله بص لعلاء اللي بص للأرض
وقال عندك حق يا بنت عمي حقك عليا بس عزرنا احنا معرفناش بوجودك غير من فترة صغيرة غير تعب ابويا
غصن عزركم معاكم يابن عمي عن اذنكم وبيتي مفتوح ليكم في أي وقت وآه نسيت ستي انا مش عاوزة اي ارض وفلوس أنا عشت عمري باكل من شغل ايدى الحمدلله
ربنا رزقني من وسع فضله واداني راجل مقتدر ومش حرمني من أي حاجة
خرجت غصن من بيت رفيق غصن طلبت من صهيب يتمشوا بالطريق بين الزرع وافق صهيب ومشيوا غصن اول ما قربت من أرض حورية وقفت تلف حوالين نفسها وقربت من شجرة جميز صهيب غصن بتعملي ايه
غصن صهيب سيب نفسك واعمل زيي غمض عينك وافرد ايدك وسيب نفسك وخالي الريح تخدك ويها وتخليك توديك لبلاد وتجيبك من بلاد
ضحك بصوت عالي وقف يتلفت حوالين منه مغمض عينه وفاتح ايديه على وسعها وبيشم ريحه الزرع
بعد شوية كملوا مشي
وهو في طريقهم قابلوا ست قاعدة قدام بيت اول ما قربوا من البيت حس بجسمه بيتنفض نزل عينه في الارض وسرع في خطواته وماسك
بسرعه عاوز يبعد عن البيت وقف بعد كام خطوة على صوت حد بينادي عليه
الصوت يابيه يابية
صهيب وقف مردش عليها وخطى خطوه ووقف مرة تانيه على صوت الست
الست معرفتنيش يابيه
صهيب وضهره ليها هز راسه كانه بيقولها عارفك كويس
الست سامحني يابيه السکينة كانت سرجاني وڼار ابني كانت لسه
متابعة القراءة
