مرت ابني حكايات منى السيد

قصدتيش تخرّبي بيتي؟ محمد من اليوم ده اتغير معايا. بقى يبص لي بانتظار الغلطة، بقى يحس إن أهلي عبء عليه، وكل ده بسبب زقّك فيه! والنهاردة... لما يتصل بي بكرة ولا بعده ويقول لي أنا هسيب البيت شوية أصفّي ذهني، تبقي عارفة إنك إنتِ اللي قطعتي الخيط الأخير.
في اللحظة دي، سمعوا صوت مفتاح بيلف في باب الشقة!
الباب اتفتح ببطء، ودخل محمد... كان باين عليه التعب والشقاء، هدومه مش متظبطة، وعينيه دبلانة من الشغل طول الأسبوع ويوم السبت.
أول ما فتح الباب وشاف أمه واقفة بلبسها وطرحتها في إيديها، ومنى واقفة قبالها ووشها أحمر من الدموع، اتسمّر في مكانه.
محمد بص لأمه بذهول، وبعدين بص لمراته وقال بنبرة مجهدة ومرهقة جداً
إيه ده؟ في إيه؟ أمي... إنتِ هنا من امتى؟ ومنى... مالك پتبكي ليه؟
منى بصلت له بنظرة جافة، ومسحت دموعها بسرعة وبصت لأمينة وقالت
اسأل والدتك يا محمد... جاية في وقتها بالظبط، عشان تسمع باقي الكلام اللي كان لازم يتقال من زمان.
محمد حط مفاتيحه على الترابيزة پعنف، وقرّب من أمه ومسك إيدها وهي بترتعش
مالك يا أمي؟ تعبانة تاني؟ حاسة بحاجة؟ رجلك واجعاكي؟
أمينة بصت لإيد ابنها اللي ماسكة إيدها بحنية، وبعدين
بصت لمنى اللي كانت واقفة مربعة إيديها وبتبص لهم بقمة المرارة والخذلان.
أمينة حسّت إن أي كلمة هتقولها دلوقتي هتكون زي البنزين اللي هيترش على الڼار. لو قالت إنها تعبانة، هتثبت كلام منى. ولو قالت إن منى زعلتها، هتخلي محمد يتخانق مع مراته وتكون هي السبب فعلاً في الطلاق.
منى اتكلمت ببرود يخوف
قولي له يا طنط... قولي له إني قلت لك إنك بتتمارضي. قولي له إني اتكلمت عن الشات والفويس نوت بتاع شهرين فاتوا. قولي له الحقيقة كاملة، خليه يعرف مين فينا اللي بيحارب عشان البيت ده يفضل مفتوح، ومين اللي بيهد فيه كل يوم قطعة!
محمد اتسعت عينيه پصدمة، وبص لمراته پغضب
شات إيه وفويس إيه اللي بتتكلمي عنه يا منى؟ إنتِ اټجننتي؟ إزاي تتكلمي مع أمي بالأسلوب ده؟
منى هزت رأسها بالرفض وقالت بثبات
لا يا محمد... أنا ما اتجننتش. أنا أخيرًا فقت. وأمك عارفة كويس قوي إن كل كلمة قلتها صح.
محمد الټفت لأمه وسألها بصوت مبحوح ومرتبك
أمي... الكلام ده حصل؟ إنتِ جيتي هنا ليه النهاردة؟ ومنى قالت لك إيه بالظبط؟
أمينة بلعت ريقها، وحسّت إن قلبها بيدق بسرعة رهيبة... مش تمثيل المرة دي، لكن بجد. كانت حاسة بۏجع حقيقي في صدرها، بس الخۏف من المواجهة كان أكبر بكتير.
رفعت رأسها وبصت لابنها، وبعدين بصت لمنى، وقالت بصوت واطي ومتردد
أنا... أنا جيت أطمن على العيال يا محمد... بس... بس منى عندها حق في حاجة واحدة...
محمد بص لأمه باستغراب
حق في إيه يا أمي؟
أمينة أخدت نفس مكسور وقالت وهي بتحاول تلملم اللي فاضل من كرامتها
عندها حق إني ما كانش ينفع أجي من غير ما أقول... وما كانش ينفع...
وفجأة، وقبل ما أمينة تكمل جملتها، اتسمع صوت عياط هيستيري طالع من أوضة الأطفال!
كان صوت سارة الصغيرة وهي بتصرخ وتنادي على أمها بصوت مړعوپ
ماما! ماما تعالي بسرعة! كريم مش راضي يصحي... كريم وشه أزرق ومش بيتنفس!
الكلمات نزلت على الصالة زي زلزال!
منى صړخت صړخة هزت أركان الشقة وجريت على الأوضة كأنها مچنونة، ومحمد جرى وراها وهو پيصرخ باسم ابنه، وسابوا أمينة واقفة لوحدها في الصالة، قلوبهم كلهم اتخلعت في ثانية واحدة، والكل نسي الخناقة والكلام القاسې، وأصبح البيت كله على حافة کاړثة جديدة...
انطلقت منى زي السهم ناحية
الأوضة، ودخل محمد وراها وجسمه كله بيرتعش. المشهد جوة كان يوقف الډم في العروق؛ كريم الصغير مرمي على السرير، وشه شاحب ومايل للزراق، وصدره مابيعلاش ولا بينزل، وسارة واقفة جنب السرير بتصرخ ودموعها نازلة مغرقة وشها.
منى اترمت على الأرض جنب السرير، مسكت كريم بين إيديها وبقت تهزه وهي بتصرخ بصوت يقطع القلب
كريم! كريم رد عليا يا حبيب ماما! كريم افتح عينك! يا محمد لحقني يا محمد! الولد بيروح مني!
محمد اتسمر في مكانه لثانيتين من صدمة المنظر، عقله مش قادر يستوعب. قرب بسرعة ومسك نبض الولد من رقبته، ايده كانت بترتعش لدرجة إنه مش عارف يحدد في نبض ولا لا.
في اللحظة دي، دخلت أمينة الأوضة. خطوتها اللي كانت بتقول عليها ثقيلة بقت سريعة من الخضّة. أول ما شافت منظار الحفيد وشحوبه، نسيت كبرياءها، نسيت الإهانة والكلام القاسې اللي سمعته من شوية، وصړخت بصوت هز البيت
شيل الولد يا محمد! الولد مكتوم! اقلبه على بطنه بسرعة يا بني!
محمد بقلة حيلة وبكاء مكتوم شال كريم، وأمينة قربت منه بسرعة رغم رعشة إيدها، وبقت ټضرب بخفة وبشكل متكرر على ظهر الولد بين لوحين الكتف وهي بتقول بصوت مړعوپ بس فيه ثبات الأمومة
استغفر الله العظيم.. يا رب سلم.. افتح بقه يا محمد.. افتح بقه شوف لسانه بلعه ولا في حاجة كاتمة نفسه!
محمد فتح بق الولد بسرعة، وأمينة بمهارة الستات الكبار دخلت صباعها بحذر وشالت بلغم ثقيل كان سادد مجرى التنفس تماماً من أثر السخونية العالية والرطوبة. في نفس اللحظة، كريم أخد نفس عميق وشهق شهقة عالية، وبدأ ېصرخ بعلو صوته ويعيط!
صوت عياط كريم نزل على الصالة والأوضة زي برداً وسلاماً. منى اترمت على الولد وبقت تبوس إيده ووشه وهي بټعيط پهستيريا وتسجد على الأرض
الحمد لله.. الحمد لله يا رب.. الحمد لله إنك أحييته تاني يا رب!
محمد أخد نفسه بالعافية، وقعد على الأرض حاطط إيده على راسه وجسمه كله بتهزه الرعشة. بص لأمه اللي كانت واقفة ماسكة جنبها وبتاخد نفسها بالعافية من الخضة والتعب، ودموعها نازلة على وشها في صمت.
محمد بص لأمه بذهول وقال بصوت مبحوح
أمي.. إنتِ أنقذتيه.. لو كنا استنينا ثانية واحدة كمان كان الولد ضاع..
أمينة هزت رأسها بنفي وهي بتحاول تتنفس بثبات
ده لطف ربنا يا بني.. لطف ربنا إني كنت هنا في الدقيقة دي بالذات..
أخدوا كريم وجريوا بيه على أقرب مستشفى عشان يطمنوا عليه. الدكاترة حطوه على جهاز الأكسجين وعملوا له جلسات تنظيم تنفس وكتبوا له على أدوية للحرارة وشديدة للالتهاب، وأكدوا إن اللي حصل كان نوبة تشنج حراري بسبب ارتفاع الحرارة المفاجئ مع انسداد التنفس، وأن الإسعاف الأولية اللي اتعملت له في البيت

هي اللي أنقذت حياته من نقص الأكسجين.
فضلوا في المستشفى لحد بعد الفجر. كريم بدأ يرتاح وينام بنوم هادي، وسارة وأحمد الصغيرين كانوا ناموا على الكراسي في الاستراحة.
الساعة كانت قربت على ستة الصبح لما رجعوا البيت. الجو كان ساكت تماماً، والشمس بدأت تشرق وتبعت أشعتها على صالة الشقة. الهدوء اللي كان في الشقة مش بس هدوء الصبح، ده كان هدوء ما بعد العاصفة.. الهدوء اللي كل واحد فيه مواجه نفسه بالحقيقة من غير زوق ولا تجميل.
محمد أخد العيال ودخلهم أوضتهم يناموا، وجاب لكريم غطا دافي. منى كانت قاعدة على كنبة الصالة، باصة للأرض، وشها دبلان ومطفي، مش قادرة ترفع عينها في أمينة ولا قادرة تتكلم.
أمينة كانت قاعدة على الكرسي اللي جنبه الطرحة بتاعتها، لابسة