بعد ست شهور من طلاقنا
واضح وصريح
في حالة وجود وريث شرعي من الزوجة الأولى خلال مدة لا تتجاوز سنة من تاريخ الطلاق، تنتقل إليه نسبة ٥١٪ من أسهم مجموعة المنشاوي التجارية، ويصبح الوصي القانوني على إدارة نصيب الطفل هو الأم.
يعني ببساطة
بنتي بقت الوريثة الأساسية لنص إمبراطورية عيلة المنشاوي.
والأهم؟
إن مدحت نفسه مبقاش صاحب القرار.
فيروز بصت له كأنها أول مرة تشوفه أنت كنت عارف؟
مدحت قعد على الكنبة اللي جنب السرير وكأنه فقد الإحساس في رجليه أنا أنا مضيت الورق بسرعة كنت عاوز أخلص.
بصيت له ببرود كنت مستعجل تتجوز وتعيش قصة الحب العظيمة.
فيروز صوتت فجأة يعني إيه؟! يعني البنت دي هتاخد كل حاجة؟!
رديت بهدوء لاء مش كل حاجة، بس الحاجة اللي أبوها حاول يهرب منها.
مدحت رفع عينه ليا لأول مرة أنتِ خبّيتي الحمل.
قلت وأنتَ كنت مخبي خېانتك.
الصمت وقع تقيل على الأوضة.
حتى صوت المطر برة كان أوضح من أنفاسهم.
الحقيقة إنني عرفت إني حامل بعد الطلاق بأسبوعين.
وقتها كنت مدمرة.
مش عشان الجواز انتهى لكن عشان الطريقة اللي انتهى بيها.
مدحت
وفي أقل من شهرين كان بيظهر مع فيروز في كل مكان كأنني ولا كنت موجودة.
ولما جه يطلقني، كان مستعجل بشكل غريب.
مضى الورق من غير ما يقرأ.
حتى المحامي حاول يوقفه يا أستاذ مدحت راجع البنود.
لكنه رد بغرور هي هتاخد إيه يعني؟
مكنش يعرف إن جده الكبير، الحاج المنشاوي، كاتب الشرط ده من سنين عشان يحافظ على نسل العيلة.
وكان لازم أي وريث شرعي ياخد حقه كامل.
ولأن حملي كان لسه في أوله
محدش عرف.
غيري أنا.
وسكت.
مش عشان أخطط للاڼتقام.
لكن عشان بنتي تيجي الدنيا بسلام.
فيروز رمت الملف على الترابيزة وهي بتصرخ أنت نصاب! كنت عارف إن مراتك حامل واتجوزتني؟!
مدحت وقف بسرعة والله ما كنت أعرف!
لكنها زقته في صدره پعنف أمال ليه جريت على المستشفى أول ما قالت والدة؟!
مردش.
لأنه هو نفسه كان عارف الحقيقة جواه.
عارف إن فيه احتمال إن البنت تبقى بنته.
وعارف إن الورث هيطير من إيده.
وفجأة
الباب اتفتح.
ودخل راجل كبير
الحاج عبدالحميد المنشاوي.
أبو مدحت.
أول ما شاف الطفلة في حضڼي، وقف مكانه.
وبعدين قرب ببطء.
مدحت قال بسرعة بابا اسمعني
لكن أبوه رفع إيده وسكته.
وبص للبنت الصغيرة.
وفجأة
عينيه دمعت.
همس دي نسخة من أمك يا مدحت.
مدحت سكت.
أما أنا فحضنت بنتي أكتر.
الحاج عبدالحميد رفع عينه لابنه، ولأول مرة شفت أب بيبص لابنه باحتقار بالشكل ده.
قال رميت أم بنتك واتجوزت عليها وهي حامل؟
مدحت حاول يدافع أنا مكنتش أعرف
صړخ فيه أنت طول عمرك مبتعرفش غير نفسك!
فيروز شهقت يعني إيه؟! وأنا؟!
الحاج بص لها ببرود أنتِ اتجوزتي راجل خان مراته مستنية يكون وفي ليكي؟
الكلمة ضړبتها.
ورمت بوكيه الورد على الأرض.
وبعدين قلعت دبلة الفرح پعنف وحذفتها في وش
مدحت خليك مع ورثك وبلاويك!
وجريت برة الأوضة وهي بټعيط.
بعد أسبوعين
صور فرح مدحت الفاشل كانت مالية السوشيال ميديا.
العريس اللي ساب الكوشة وجري على مستشفى الولادة.
العروسة اللي هربت بالفستان الأبيض.
وعيلة المنشاوي اللي اتفضحت.
أما مدحت
فخسر أكتر مما تخيل.
أبوه
وقال له جملة عمره ما نسيها الراجل اللي يخون أم بنته، مقدرش أأمنه على اسم العيلة.
ولأول مرة في حياته
مدحت بقى لوحده.
فيروز سابته.
أصحابه اختفوا.
والناس اللي كانت بتطبل له بقت تضحك عليه.
وكان بيقف ساعات تحت بيتي القديم يبص للبلكونة في صمت.
لكنني عمري ما نزلت له.
بعد ٦ شهور
كنت قاعدة في أوضة بنتي الجديدة.
لونها بمبي فاتح.
وفيها لعب صغيرة متعلقة فوق سريرها.
بنتي اللي سميتها ليان كانت نايمة على صدري، بتتنفس بهدوء كأنها عمرها ما دخلت الدنيا وسط حرب.
تليفوني رن.
كان مدحت.
بصيت للاسم شوية
وبعدين رديت.
صوته كان مكسور لأول مرة ندى ممكن أشوفها؟
بصيت لبنتي.
وافتكرت كل ليلة عيطت فيها لوحدي.
كل إهانة.
كل خېانة.
كل مرة خلاني أحس إني قليلة.
وسكت شوية.
مدحت همس أنا عارف إني استاهل كل اللي حصلي بس البنت ملهاش ذنب.
غمضت عيني.
وبعدين قلت بهدوء هتشوفها لما تتعلم الأول يعني إيه تبقى أب، مش مجرد راجل خسر صفقة.
وساعتها
قفلت السكة.
لكن المرة دي
ماحسّتش بۏجع.
لأن الست اللي مدحت كسرها
ماټت يوم ما بنتها اتولدت.
أما الأم اللي قامت من على سرير الولادة
فبقت أقوى من أي راجل حاول ېهينها.
