زعيم المافيا كان بيتجاهل كل ستات المطعم

زعيم المافيا كان بيتجاهل كل ستات المطعم.. لحد ما شاف الجرسونة وهي بتكلم أمه بلغة الإشارة!
أنتي اسمك إيه؟
كلمة واحدة خرجت من بق باسم السيوفي خلت المطعم كله يقع فيه دبابة.. باسم، الراجل اللي بيحكم نص صفقات السوق، واللي الكل بيترعش من مجرد ذكر اسمه، كان باصص لي بنظرة عميقة وكأني أهم شخص في المكان، بعد ما كنت بالنسبة له مجرد جرسونة مالهاش وجود.
اسمي نور، بقالي سنتين بشتغل في مطعم أرورا الفخم.. بقضي شيفتات 12 ساعة عشان أكمل مصاريف دراستي. أنا بدرس عشان أبقى مترجمة لغة إشارة، والحاجة دي هي اللي خلتني النهاردة أدخل وسط عش الدبابير من غير ما أحس.
المطعم كان زحمة، بس الترابيزة اللي في الركن البعيد كان ليها هيبة تانية.. كان قاعد عليها باسم وبصحبته ست وقورة جداً، ملامحها هادية بس عينيها فيها حزن وتوهان.. الست كريمان، والدة باسم. كانت بتبص على شفايف الناس بتركيز يوجع القلب.. عرفت فوراً إنها مش سامعة حاجة من اللي بيدور حواليها.
لما رحت أقدم ليهم المشروبات، لقيت الكل بيتكلم عنها مش معاها.. باسم كان بيحاول يشرح لها ببطء بس هي كانت لسه تايهة. من غير ما أفكر، إيدي اتحركت وعملت لها إشارة بسيطة تحبي أجيب لحضرتك مية بليمون؟

الست اتصدمت.. عينيها لمعت ببريق غريب، وردت عليا بسرعة بالإشارة أنتي بتعرفي تتكلمي لغتي؟ مفيش حد هنا بيفهمني.. حتى ابني بيحاول بس بيفشل.
ابتسمت لها وقلت لها بالإشارة أنا هنا عشان أسمعك وأكلمك.. متقلقيش.
في اللحظة دي، حسيت بنظرات باسم بتخترقني.. نظرة صقر لقى فريسته، أو ملك لقى حاجة ناقصة في مملكته. ساب الكاس من إيده وفضل باصص لإيدي وهي بتتحرك، وكأن الإشارات دي هي الشيفرة اللي كان بيدور عليها سنين. باسم مكنش باصص لي كراجل بيعاكس، كان باصص لي كأني لغز وقرر يمتلكه.
وقبل ما أمشي، مسك معصم إيدي بلمسة خفيفة بس خلت جسمي كله يتنفض، وقالي بصوته الرخيم اسمك نور.. مش كدة؟
رديت بصوت مهزوز أيوة يا فندم.. نور.
طلع كارت أسود فخم، مكتوب عليه رقم فضي بارز، ورماه في الصينية اللي في إيدي وقالي والدتي عندها حفلة بكره.. ومحتاجة مترجمة تكون بتفهم لغة السكوت زيك.. كلمي الرقم ده أول ما تخلصي.
الست كريمان ضغطت على إيدي بحنان، وعملت لي إشارة أخيرة خلت الدم يهرب من عروقي تعالي يا بنتي.. فيه حاجات ابني مبيسمعهاش، بس أنتي الوحيدة اللي هتقدري تشوفيها!
يا ترى نور هتروح الحفلة وتدخل عالم المافيا برجليها؟ وإيه السر اللي أمة باسم عاوزة توصله لها بالإشارة ومخفياه عن ابنها؟ وهل باسم السيوفي فعلاً محتاج مترجمة، ولا نور بقت جزء من خطة تانية خالص؟

نور طول الليل مغمضتلهاش عين.
الكارت الأسود كان محطوط جنبها على السرير الصغير في أوضتها المتواضعة، وكأنه باب لعالم تاني خالص عالم الناس اللي أسمائهم بتخوف، والفلوس فيه بتشتري كل حاجة حتى الصمت.
لكن أكتر حاجة شغلتها مكانتش باسم السيوفي.
كانت كريمان.
النظرة اللي في عيني الست وهي بتعمل الإشارة الأخيرة فيه حاجات ابني مبيسمعهاش، بس أنتي الوحيدة اللي هتقدري تشوفيها.
تاني يوم بالليل، عربية سوداء فخمة وقفت قدام المطعم.
السواق نزل وفتح الباب بمنتهى الاحترام الآنسة نور؟ باسم بيه مستني حضرتك.
قلبها دق بعنف.
بس ركبت.
القصر كان مرعب من فخامته.
رخام أسود، نجف كريستال، وحرس واقفين في كل حتة كأنهم تماثيل.
الحفلة كانت مليانة رجال أعمال وسياسيين وناس الكل يعرف إن ورا ابتسامتهم أسرار سودا.
نور كانت ماشية ورا الموظفة بتوتر، لحد ما سمعت صوت عصاية خفيف على الأرض.
لفت.
كريمان كانت واقفة في آخر الممر، لابسة فستان نبيتي شيك جدًا، لكن عينيها كانت أحن من كل اللي حواليها.
أول ما شافت نور، ابتسمت فورًا وعملت بالإشارة كنتي هتموتيني من القلق افتكرتك مش هتيجي.
نور ابتسمت رغم توترها وعدتك.
ومن بعيد
باسم كان واقف يراقبهم.
واقف بكامل هيبته ببدلة سودة، والكل بيحسب خطواته، لكن عينه مكنتش على رجال الأعمال ولا الصفقات.
كانت على نور.
على البنت اللي خلت أمه تضحك لأول مرة من شهور.
الحفلة بدأت.
نور كانت واقفة جنب كريمان تترجم لها كل الكلام، وكل شوية تلاقي باسم يبصلها بنفس النظرة الغريبة تركيز عميق، كأنه بيقرأ حاجة جواه هو نفسه مش فاهمها.
وفجأة
كريمان شدت إيد نور بخفة.
وعملت
لها إشارة سريعة بعيد عن عيون باسم ابني مش شرير زي ما الناس فاكرة.
نور اتوترت أنا مقولتش كدة.
كريمان هزت راسها بحزن بس هو غرقان في عالم أسود ولو فضل فيه هيموت.
قبل ما نور تسأل، دوشة قوية قطعت الكلام.
واحد من رجال باسم دخل بسرعة وهمس له في مشكلة تحت.
ملامح باسم اتغيرت فورًا.
بقت قاسية مخيفة.
نور شافته بيتحول في ثانية من راجل هادي لحد الكل بيترعب منه.
بعد دقايق، نور كانت ماشية في الممر تدور على الحمام، لكنها سمعت صوت خناق جاي من أوضة مفتوحة نص فتحة.
وبدون قصد بصت.
وشافت باسم.
واقف قدام راجل متربط في كرسي.
وعينه كلها غضب.
الراجل كان بيترعش والله غصب عني
باسم قال بصوت بارد الخيانة عندي ملهاش غفران.
نور شهقت بخضة صغيرة.